Сұрақ-жауап

  • Сұрақ №: 50705
    Дата: 25.10.2019 14:35:04
    Аты-жөні: Қалтаев Абай
    Сұрақ:
    Құрметті Прокурор Мырза! Мен, Қалтаев Абай Мырзажүнайтұлы Сізге айтар арызым бар,04.06.2019 жылы Алматы қаласы Гете көшесінің бойында болған жол-көлік оқиғасына байланысты Алматы қаласы мамандандырылған ауданаралық әкімшілік сотының 13 тамыз 2019 жылғы Судья Д.М.Алыбаевтың төрағалымен менің қатысуымсыз болған сот отырысы мені кінәлі деп тауып, 6 ай мерзімге көлік жүргізу құқығымнан айырды. Мен соттың шешімімен келіспей, Алматы қалалық сотына апелляциялық шағым түсірдім. Сот отырысы 10 қазан 2019 жылы Судья С.С. Ташполатовтың төрағалығымен өтті. Менің апелляциялық шағымым қанағаттандырып,іс өндірістен қысқартылды. Алайда "Аманат" сақтандыру компаниясы шешім мәтінінде қарсы тараптың кінәлі екендігі жайлы сөйлемнің жоқтығын алға тарта отырып, Алматы қалалық сотының шешімін орындамай отыр.
    Жауап күні:
    13 ноября, 2019 - 09:21
    Жауап:
    ҚұрметтіАбай Мырзажүнайтұлы! Сіздің «Аманат» сақтандыру компаниясының іс-әрекетіне жазған арызыңыз қаралды. Алматы қаласының мамандандырылған ауданаралық әкімшілік сотының қаулысымен 2019 жылдың 13-ші тамызында Сіз Қазақстан Республикасының «Әкімшілік құқық бұзушылық туралы кодексінің» 610-бабының 1-бөлігімен әкімшілік жауапкершілікке тартылғансыз. 2019 жылдың 10-шы қазанында Алматы қалалық сотының азаматтық істер жөніндегі сот алқасы жоғарыда көрсетілген сот қаулысының күшін жойып, іс өндірістен тоқтатылған (қысқартылған). Түсіндіремін, Қазақстан Республикасының азаматтық Кодексінің 8,9 баптарына сәйкес азаматтар немесе заңды тұлғалар өздерiне берiлген азаматтық құқықтарды, соның iшiнде өздерiн қорғау құқығын өз қалауынша пайдаланады. Осыған орай, Сіз «Аманат» сақтандыру компаниясының іс-әрекетіне қарсы аудандық сотқа азаматтық іс қозғау туралы белгілі бір талап-арызбен жүгінуге құқылысыз. Осы аталған іс мемлекет мүдделерін қозғайтын істер санатына немесе өздерін өз бетінше қорғай алмайтын азаматтарды қорғау талап етілген істер категорияларына жатпайтындығын ескере отырып прокуратураның бұл жағдайда арызды түбегейлі қарауға процессуалдық мүмкіншілігі жоқ екендігін түсіндіреміз. Бұл жауаппен келіспеген жағдайда Сіз жоғары тұрған прокурорға немесе сотқа (жауаптың көшірмесін қоса) шағымдануға құқылысыз.
  • Сұрақ №: 49782
    Дата: 27.05.2019 21:04:24
    Аты-жөні: Касс Ерке
    Сұрақ:
    Құрметті Алматы қаласының прокуроры Жүйріктаев Берік мырза! Сіздің назарыңызды мені өзін «Алматы қаласы, Әуезов ауданы, ІІБ жанындағы Ішкі істер бөлімшесінің қызметкері аға лейтенант Есимханов Дәулетпін» деген азаматтың маған қарсы жасаған әрекеттеріне аударғым келеді. Арғынбаев Жасұлан деген азамат екеуі біріге отырып, қорқытып, үркітіп, қоқан-лоқы жасап, психикама әсер ететін сөз-әдістерді қолданып (Мағынасы – қолыма түссең, көресің, ісім сенімен болсын, ақшаны қайтармасаң – ағзаңды органға сатам, себебі менің үстімнен арызданушы Еркебұлан мен оның ағасы Жасұлан – екеуі де хирург, т.б.) жүйкеме әбден тиіп бітті. Алматы қаласы ІІБ Қауіпсіздік қызметінің атына арыз жазам десем – қазір сені өзіммен бірге сол жерден алып, қамап тастаймын. Кімге арыздансаң оған арыздан, мен сені құртам дегендей мемлекеттік қызметкер әдебіне жатпайтындай дауыспен үркітіп, денсаулығыма (психикама) әсер етті. Ал менің үстімнен ағасының айтуымен арыз жазған Еркебұлан екеуміздің келімсіміміз бойынша медиациялық тәртіппен ай сайын бөліп беретін болғанмын. Бірақ іске менің әлеуметтік жағдайымның төмен екендігін пайдаланғысы келген азамат Арғынбаев Жасұлан араласып, жанындағы Дәулет Есимхановпен бірігіп мені қылмысқа не өзіме қол салып өлуіме итермек. Аталған азаматтардың маған қарсы жасап жатқан әрекеттерін ҚР Қылмыстық Кодексінің 115-бабы, 131-бап, 145-бабы, 146-бабы, 147-бабы, 174-бабы, 361-бабы, 362-бабы, ҚР Қылмыстық-процессуалдық Кодексінің 13-бабы, 20-бабы, 14-бабы, 15-бабы, 21-бабы, 24-бабы, 32-бабы, 64-бабының 15-тармағы мен 19-тармағы, 85-бабы, 194-бабының 2.1, 2.2, 3.2-тармақтары бойынша ҚР Азаматтық Кодексінің 8-бабы, 9-бабы, 13-бабын бұзу ретінде қарастырып, заң алдында жауапқа тартуыңызды сұраймын. Телефоным:87472962391. Эл.пошта: nuraxmet16@list.ru Мамиева Акерке
    Жауап күні:
    6 июня, 2019 - 09:17
    Жауап:
    Сіздің 30.05.2019 ж. Қазақстан Республикасы Бас Прокурорының блогынан түскен арызыңыз, Алматы қаласының прокуратурасымен қаралды. Қылмыстық, азаматтық және әкімшілік істер, және де прокурорлық ден қою актілерін енгізу туралы өтініш хаттар прокуратураға қолма-қол, пошта байланысы не www.115.kz электрондық портал арқылы жолдануға тиістілігіне Сіздің назарыңызды аударамыз. Арызыңызды www.115.kz электрондық порталына жолдау үшін Сізге электрондық қолтаңбаны «Азаматтарға арналған үкімет» мемлекеттік корпорациясы» КЕАҚ (бұрын халыққа қызмет көрсету Орталығы) алу қажет. Блогтың негізгі мақсаты келушілермен тікелей байланыс орнату, мерзімді көмек, және де қажетті ақпаратты ұсыну табылады. Жоғарыда аталғанның негізінде, Сізге Әуезов ауданының прокуратурасына (Алматы қ., Сайран ықшам ауданы, 12 «А», пошта индексі: 050062) не құқық қорғау қызметтері Орталығына (Алматы қ., Желтоқсан көшесі, 189) заңда белгіленген ретінде Сіздің уәждеріңізді тексеру үшін жазбаша арызбен жүгіну қажет. Бұған қоса, арыздарды тиісті қарауын ұйымдастыру мақсатында қала прокуратурасының басшылығымен азаматтарды күнделікті қабылдау өткізілетінін мәлімет ретінде хабарлаймыз. Жеке қабылдауға жазылу үшін, Сіз 221-01-68 телефонына хабарлассаңыз болады.
  • Сұрақ №: 49563
    Дата: 06.05.2019 12:51:46
    Аты-жөні: Барысхан Отанбек
    Сұрақ:
    Сәлеметсіз бе? Менің сұрағым Q-net маркетинг жайлы бұл Қазақстанда қаншалықты заңды компания? Қаржы пирамидасы емес па? Егер тиым салыңған болса сол жайлы ақпарат берсеңіздер. Бұл жайлы сұрағаным менің қарындастарым солардың офисіне барып жүр..Баруға тиым салсам заңды деп отыр
    Жауап күні:
    28 мая, 2019 - 11:03
    Жауап:
    Алматы қаласының прокуратурасы Сіздің «Q-net маркетинг» Қазақстан Республикасында қаншалықты заңды компания туралы Қазақстан Республикасы Бас Прокурорының Блогына жазған арызыңыз қаралды. Арызда көрсетілген уәждер бойынша 2017 жылғы 14 шілдеде «Прокуратура туралы» жаңа Заңы қолданысқа өзгерістер енгізілгенін, оған сәйкес өтініштерді қараудың тәртібі де өзгергенін хабарлаймыз (Заңның 6 және 7 баптары). Енді прокуратура органдары арыздарды орны толмас зардаптың алдын алуы үшін қажет болса (адамдардың өмірі, денсаулығы не еліміздің қауіпсіздігі үшін), сондай-ақ шектелмеген адамдардың құқықтары бұзылса немесе өзін дербес қорғай алмайтын жағдайда (физикалық, психикалық және өзге де мән-жайларға байланысты) ғана қарайды. Аталаған уәждерді қарау Алматы қаласының полиция Департаментінің және мемлекеттік кірістер Департаментінің құзыретіне жатады. Осы жауаппен келіспеген жағдайда, Сіз жоғары тұрған прокурорға жағым келтіруге құқығыңыз бар екендігін түсіндіреміз.
  • Сұрақ №: 48853
    Дата: 06.04.2019 15:03:08
    Аты-жөні: Оспанова Канша
    Сұрақ:
    Мен, Оспанова Канша Унасканқызы, 2010 жылдан бері пәтердің соңында жүрмін. Соған әрен дегенде 2012 жылдың 24 қарашасында құжаттарымды Департамент Үй басқармасына тапсырдым. Содан бері әр үйдің босағасында жүрмін. Қатты қиналғаннан кейін күресудемін, ешқандай шешімі болмай тұр. Кезінде Алматы қалалық прокуратурасына және Астанадағы бас прокуратураға арыз жазып, содан үйдің кезегі ары қарай жылжыған болатын. (Орындалуына себепкер болған Бауыржан Тулендиев). 2019 жылы 13 наурыз күні үйдің кезегі 1671ші болатын, одан тағы 14 наурыз күні тексергенде үй кезегі 1673 болды, ал 1 сәуірде 1675 ші орында болды. Неліктен үй кезегі артқа қарай жылжып жатқаның білмедім. Мен 20 жылдай өнер саласында еңбек еттім, 17 жыл мектепте мұғалім жұмысын атқардым. Қазір мен зейнеткерліктемін. Сізден өтінерім, өзіме тиісті үйімді алуыма көмектессеңіздер.
    Жауап күні:
    18 июня, 2019 - 17:28
    Жауап:
    Құрметті Канша Унасканқызы! Сіздің мемлекеттік тұрғын үй қорынан үй алу тізілімі бойынша Қазақстан Республикасының Бас Прокурорының блогына түскен арызыңыз Алматы қаласының прокуратурасымен қаралды. «Жеке және заңды тұлғалардың өтiнiштерiн қарау тәртiбi туралы» Қазақстан Республикасының Заңының 6 бабына сәйкес, өтiнiш құзыретiне өтiнiште қойылған мәселелердi шешу кiретiн субъектiге немесе лауазымды тұлғаға жiберiлуге тиiс. Осыған орай Алматы қаласы тұрғын үй саясаты басқармасына арыздануға қажеттілігін хабарлаймыз. Одан басқа блог қызметін пайдалану талаптарына сәйкес: қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану, заң нормаларын түсіндіру туралы шағымдар мен өтініштер прокуратура органдарына арнайы әкеліп тапсыру, пошта арқылы жолдау немесе www.115.kz электронды порталына жіберу арқылы жүзеге асырылатынын түсіндіремін. www.115.kz электронды порталына өтініш жолдау үшін Халыққа қызмет көрсету орталығынан (ХҚКО) электронды сандық қолтаңба (ЭСҚ) алу қажет
  • Сұрақ №: 48212
    Дата: 14.02.2019 14:53:42
    Аты-жөні: Жұмажанов Болат
    Сұрақ:
    Құрметті Прокуратура қызметкерлері, біз Алматы қаласы, Жетісу ауданы, Көкжиек ш/а орналасқан жеке кәсіпкер Жұмажанов Болат. Бізге тексеруге және қызметтерін міндетті түрде қолдануымызды талап еткен «Ұлттық сараптама орталығы» ШЖҚ РМК Алматы қаласы бойынша филиалының қызметінің заңсыз немесе заңды екендігін білгіміз келеді. Біз кішігірім кафе ашқалы отырмыз. Күнделікті әртүрлі мекемеден келіп жатқан адамдар саны аз емес. Әр қайсысы өз қызметтерін заңды деп, ақша талап етіп жатыр. Сондықтан бізге келген мекемелердің бірінің заңды жұмыс жасағанын анықтау мақсатында осындай хат жолдауға мәжбүр болып отырмыз. Өтінішімізді жауапсыз қалдырмауларыңызды сұраймыз.
    Жауап күні:
    1 наурыз, 2019 - 18:48
    Жауап:
    Б. Жұмажановқа Алматы қаласы прокуратурасымен Сіздің «Ұлттық сараптама орталығы» ШЖҚ РМК Алматы қаласы бойынша филиалы қызметкерлерінің іс-әрекетіне жазған арызыңыз қаралды. Блогтың негізгі мақсаты азаматтармен тікелей байланыс орнату, тексеру жүргізуді талап етпейтін мәселелер бойынша уақытылы көмек көрсетуді қамтамасыз ету, сондай-ақ қажетті ақпаратты ұсыну болып табылады. Қылмыстық, азаматтық немесе әкімшілік істерге қатысты өтініштер, сондай-ақ прокурорлық ден қою актісін қабылдау туралы өтініштер қолма-қол, пошта байланысы арқылы немесе www.115kz электрондық порталына жіберілуі тиіс www.115kz электрондық порталына жіберу үшін Сізге Халыққа қызмет көрсету орталығынан электрондық цифрлық қолтаңба алу керек. Осыған байланысты, Сізге тиісті құзыретті органға (Қазақстан Республикасының Денсаулық сақтау министрлігіне) заңда белгіленген тәртіппен өтініш беру қажет.

Беттер